2009/05/17
自從上次去過赤柱沙灘後...就心郁郁想陪豪豪再去玩沙嬉水..因為阿仔要返PG既原故...六七月份既sunday都唔可以陪阿仔周圍去玩了...所以趁臨尾sunday就約埋班朋友仔一齊去沙灘玩下喇!!!
今次既目的地係屯門黃金海岸沙灘...多得蠶媽一早去霸定救生亭下面個靚位...一眾媽咪得以避開太陽伯伯既襲擊!!!
今次幫阿仔準備好戰衣 ~ T恤+游水片...
大小朋友齊齊玩 ~ 畢水+倒水
黃金d沙始終不及赤柱d沙幼+靚...靠岸邊d沙粒又粗又多貝殼類...拮到腳仔都有d痛...不過依然無損阿仔玩沙既興致...不停抓沙 ~擲 ~擲 ~擲...
阿仔責定馬等海浪沖埋黎...
被海浪擊倒添...
仲飲左幾啖海水...
哇...乜d味道咁咸既...
爸爸...我地都係徹退返岸邊先啦...
兩位爸爸抱住仔女一齊玩踼水...
根據腳毛顯示...爸爸就係整古阿仔既幕後黑手...
被爸爸淋完清醒晒 ~ cool
因為阿仔玩到成身濕晒...著住件濕衫更容易凍親...唯有幫佢脫去最後防線啦...
要一班小朋友坐定定影張大合照真係好艱難...
影一家三口合照就容易得多....thanks 包媽...
吸取左上次去赤柱沙灘用凍水沖身既經驗...亦多得細細個媽既介紹...我地買左幾個暖水袋比各小朋友沖身...咁就唔會沖身沖到騰騰陣啦...
今日大家真係玩得好開心...足足玩左兩個幾鐘頭先盡興而回...我地就帶左阿仔去附近茶餐廳醫肚...最衰部相機無拉拉壞左...搞到山長水遠入到黃金海岸都無緣影下相哩...
沙灘啊沙灘...我地要八月份先再見啦!!!
沒有留言:
發佈留言