足球小子

2009/05/08

早幾日爸爸話網上做緊球衣特價好抵喎...

打算訂兩套小朋友球衣比豪豪...

一套係車路士...一套係利物浦...

仲問我要唔要番件..可以做家庭裝添...

我都唔著球衣既..費事side錢啦...留番比你地做父子裝吧...

今日終於收到courier送左兩套衫黎屋企...

爸爸已經急不及待拎去比阿仔試身...

車路士就比較岩身...利物浦似乎要大d先岩著哩...

爸爸仲話要拎去比朋友間繡花舖頭...係件衫背繡番個名和球號添...

下次去足球場玩時...兩父子可以著住件球衣一齊威威喇...

 

睇下阿仔個樣幾得戚...

似乎阿仔都幾鍾意件球衣...

係床度蹦蹦跳...

阿仔著左呢件衫好似大個仔左喎...

表演衝力射球...

唔通入左球?? 個樣咁神氣既...