泰hea之旅 ~ Day 4

2010/01/27

我地要帶豪豪去玩既地方前兩日已經去晒...原本諗住今日主要係酒店hea...去swimming...去playroom玩下...但爸爸話想搭船去半島酒店果邊行下喎...咁我地就gogogo la...

阿仔最鍾意坐係度扮"倒C長"

又鍾意玩百摺門 (我地幾驚佢玩爛  )

阿仔吃蕉ing...

間房大到可以周圍跑哩

give me five

我覺得老牌四季酒店既環境都無我住呢間咁正哩

搭半島酒店專船...

如果單睇酒店外表作比較...總覺得香港既半島酒店grand d哩...

我地本來只係諗住入去白撞行下...點知被呢個價錢牌吸引住...兩百蚊就可以係半島食lunch buffet...係香港真係食唔到哩...橫掂都無地方去...一於入去刷番餐下先  

點知室內餐廳 full booking...要坐係室外吹風...好彩都唔算太熱

除左dessert吧吸引外...其餘冷熱盤真係油麻地...好少選擇...有d失望哩

爸爸主攻冷熱盤...我就主攻dessert回本...而阿仔就繼續玩練仙 (好彩佢唔洗錢o者)

阿仔開始鍾意食甜野...

室外有個草地比阿仔跑...跑...

又有梳化比阿仔趴...趴...

我地食飽就返我地間酒店swimming..跟住就一齊sleeping

訓到六點幾就起身搭taxi去唐人街買手信...

食燕窩

今餐dinner阿仔好扭計...唔肯坐又唔肯食...又係一啖椰青一啖飯...搞到我地都無mood...求其叫d野食...食完就快速走人 (賽後檢討...每逢坐街邊或者無冷氣既地方...佢都極度扭計...唔通有"王子病"   )

因為阿仔無乜點食野...我地就買左M記餐比佢醫肚...跟住再去BIG C掃貨...行到人地落閘放狗我地先走人

呢堆就係我地今次旅程既戰利品...實在買得太少野了

而呢堆就係阿仔既戰利品喇