新髮型

2009/07/09

夏日炎炎正好眠...今日爸爸下午去探豪豪時...阿仔去左搵周公捉棋...阿仔已經連續第二日無見過爸爸啦...爸爸就覺得有點無奈...但無法啦...阿仔訓覺時間都唔定既...好耐無影過阿仔既睡姿相了...哈哈

今日婆婆又操刀幫阿仔剪頭髮...天氣炎熱要剪短d哩...我就覺得剪短dd無所謂...不過千萬唔好剪個「陸軍裝」...我暫時仲未接受到呀...哈哈...不過今次真係要讚下婆婆d剪髮技術越來越掂...如果唔係爸爸下午sms話比我知...我仲以為婆婆帶左阿仔去salon剪添...唔錯唔錯...再接再厲...呵呵

基本上屋企所有野都有可能變成為阿仔既玩具...呢個手提吸塵機係阿仔至愛玩具之一...佢成日都拎黎玩...仲要模仿公公婆婆開動個制黎吸塵添...如果第時你大個仔幫手做家務...媽咪真係心感安慰...但而家最怕個吸塵機太重...你隻手仔唔夠力會扑親你隻腳仔咋...