三位型男去會所泳池暢泳

2009/07/25

今日下午我們仨約了匡仔和舜舜一家到匡仔家會所泳池暢泳...

我和爸爸待豪豪午睡後就先帶阿仔去匡仔家熱下身..熟習環境和認識兩位小朋友...由於阿仔係臨入屋前剛訓醒..所以表情有點呆滯和陌生...幸好都沒有變成樹熊...還肯跟叔叔姨姨們打聲招呼...小朋友係家中更換戰衣就出發去泳池玩水喇...

三位型男 : 匡仔 ~ 舜舜 ~ 豪豪

我地還特登買了隻遊艇比阿仔玩...希望佢肯坐啦...

由於到達時差不多已四點鐘..所以泳池也沒有太多泳客...我地三家人可以獨霸個兒童池嬉水...三位小朋友都很叻叻唔怕水...阿仔還很鍾意坐隻遊艇玩水呢..

玩了一會...太陽伯伯開始下山了...沒有陽光照射底下..阿仔開始感到有點震抖...幸好比我地發現原來有個小型暖水池係成人池旁邊...我地立即帶阿仔去暖水池浸水...而匡仔和舜舜就係成人池玩水...大家都係水中玩得開心呢...

差不多玩到五點半...我地就離開泳池返回匡仔家享用豐富既水果和餅乾和飲料作下午茶點...三位小朋友就一路吃一路玩玩具...大人們就坐在一旁閒話家常...

匡仔家有很多不同種類既玩具...

而阿仔就最鍾意玩呢張得意玩具檯...

快樂既時間過得特別快...差不多玩到傾到七點半...我地三家人就步行落山去荷里活廣場進發...我地跟舜舜一家話別後就與匡仔一家到「一品螞蟻」吃晚飯...

大家就這樣渡過了一個愉快週末假期...不過快樂過後要勞煩匡仔爸媽做阿四收拾殘局..真的感到不好意思呢..期待下次再一齊玩過...

今次也是我第一次陀住細b陪阿仔一齊去泳池...雖然我只能坐在池邊浸浸腳...跟阿仔玩玩水...但能夠睇到阿仔係水中玩樂的開心樣子...真係感到很滿足...可惜泳池不準影相..如果唔係可以影低留個倩影呢...期待再有第二...第三次的來臨...