幼潛@第4堂

2009/07/05

因為H1N1既關係..幼潛停課三個星期...令到成個課程都要相繼延後...亦都打亂晒豪豪八月份去玩樂既計劃

初頭我都怕阿仔無上三個星期堂會有些陌生...幸好佢適應力都算ok..很快就融入當中了 (睇見玩具就雙眼發光)

而家規定兩位導師和父/母都要帶口罩上堂...真係超級辛苦呀...阿仔都係第一次見我帶口罩既樣子...感覺怪怪地...佢可能心諗 : 太太你貴姓呀

開始正式上堂 :

例牌遊戲一 : 點名後..每位小朋友一邊搖動沙搥一邊唱歌

遊戲二 : 要家長拖住小朋友的手做動作..玩呢種遊戲阿仔永遠都唔會同我合作...一係腳仔軟唔肯企直...一係就走左去周圍探/摸索...真令我氣憤

遊戲三 : 派發一套彩色層疊圈...學習擺放和分辨大細圈圈...阿仔都肯坐定定玩下...

遊戲四 : 導師用一些大型積木擺成一直線...家長扶住小朋友踏上去行...初頭以為阿仔會鍾意玩...點知又係唔肯合作唔肯玩...最後勉強先行到一段路仔

今堂阿仔既表現真係強差人意...希望下堂個專注力會集中d啦

趣事一則 : 話說放學後經過一間賣衫舖...我見有「電視框」就入左去望望...望左一陣...阿仔就拍拍我肩膀...我就回應左一聲...點知阿仔就捉住我隻手拉扯我離開...我當堂打左個「突」和感覺好好笑...點解阿仔識咁樣做既  難道管家仔咁快就管住唔比我去shopping

又到下午茶時間...我地就慕名去左佐敦一間很多人排隊既餐廳食tea...呢間野長期都有人係門外排隊...只係為左食佢既「快餐」 (炒蛋多士+叉燒通粉)  

就係呢間「澳洲牛奶公司」喇...講真d炒蛋真係滑到令人食過番尋味呢

媽咪 : 唔好心急..等我吹凍d先啦...

媽咪 : 你隻為食豬丫