細b ~ 33weeks ~ 巫醫生 ~ 帶豪豪探細佬仔

2009/10/16

今日輪到去巫醫生做產檢...爸爸請左大假帶埋豪豪出黎陪我吃lunch (我放下午假)和去診所探下細佬仔...由於爸爸係嗜茶一族...好多時中午都係去酒樓飲茶...今日我地就揀左九龍灣「鍾菜」嘆下午茶...

當我地係德福戲院門口經過時...阿仔就手指指兼甩手走左入去...入面有咩咁吸引哩?? 阿仔望望地下...

又係度走來走去...

原來係追住個射燈圖案...

好辛苦先捉住隻馬騮仔向目的地進發...

嗯..實在有太多點心選擇...阿仔正在煩惱中...

原本我叫左碗燕窩粥比阿仔品嚐...可惜阿仔略嫌太清淡無味唔肯食...所以最終益晒細佬仔...呵呵...

其實我地都有矛盾過應否帶阿仔去診所探細佬仔...一來擔心佢望住個超聲波screen既圖片會驚...二來又怕佢係房裡搗蛋...不過最終我地商量後都係決定帶...雖然阿仔知道有細佬仔係我個肚裡面 (問佢細佬仔係邊...佢會摸摸我個肚)...但始終都覺得佢未係太清楚了解哩...

幸好阿仔入到房都好靜好乖...當醫生用支捧係我肚面上碌下碌下時...爸爸話佢有好奇望下個screen又會望下我個肚...但望得最多就係望住醫生打機 (入資料)...哈哈...

今次我個體重記錄116磅...肚圍38.5吋...醫生check完細b各方面都ok...又幫我度左細b而家size有4磅幾重...叫我繼續努力食多d野push up下哩...

我地行去吃晚飯途中經過間玩具店...又走左入去八卦下...阿仔見到架玩具警車就愛不釋手...見佢今日咁乖又咁鍾意就買比佢玩啦 (其實我都覺得幾寵個仔..hehe)...不過買左呢架車都有個好處...就係佢會乖乖坐定定係度玩...我餵佢吃飯都容易d...