2009/10/03
今年中秋節假期...sony搞左個show係會展舉行...下午和黃昏都會有一個陳列品拍賣場...例如電腦/影音產品/電話和相機...今日爸爸就提議入去行下睇下會唔會有筍野拍賣到番黎喎...好啦...我地就即管陪你入去白撞下啦...
拍賣會即將開始...豪豪和媽咪一齊坐定定...豪豪細心咁閱讀張拍賣名單...諗住幫爸爸一擊即中....
開始舉手競投心水notebook...豪豪叫價五百蚊...
粉紅色失敗左...轉移目標黑色...兩父子合力出擊...
其實呢部相機先係爸爸既心水目標呀...
實在有太多競爭對手...推高晒d價位...結果我地投標失敗...不過都係好事...荷包慳番之餘又可以玩下拍賣..都幾好玩既...除左個拍賣場...出面都擺放左許多攤位比人試機試玩...我地就周圍影下相...
呢隻係2010南非世界盃吉祥物 ~ 豹Zakumi
同企鵝仔合照...
有個攤位比小朋友係隻大雞蛋上塗鴉 ~ 製作中...
呢個就係我地既完成品喇...
夜晚我地就去左奶奶家做節...食飽後就去左屋村搞既中秋節晚會趁下熱鬧...果度有些人表演歌舞和有些攤位遊戲比街坊玩樂欣賞...
中秋節 ~ 最緊要一家團圓
教豪豪認識月亮...
今年婆婆送左個靚靚燈籠比豪豪...
雖然豪豪已算大個仔...不過d攤位遊戲都仲未適合佢玩哩...
無得玩就四周圍跑跑跑...而家阿仔越跑越快...都好難捕捉到影到佢囉...
沒有留言:
發佈留言