家庭樂@機場維修區

2009/10/04

機場維修區~我相信對很多攝影發燒友和龍友都唔會感到陌生既地方...聽爸爸講每逢週末和週日既黃昏都會有很多人專登搭車/駕車去呢度影相...甚至乎係拍攝婚紗外景既景地添...

其實爸爸想去呢度影相好耐架啦...只不過佢忙於湊仔而錯失幾次朋友邀約既機會哩...今日爸爸就約埋班攝影朋友一齊去呢度影相和東涌飯聚...今次真係很感激朋友專車接送我們這一家和幫豪豪影左咁多靚相...

我地下午三點鐘到達機場維修區某處...可以遙望昂坪360既纜車哩

豪豪未熱身既樣子很呆呆很可愛喔

因為果度唔可以周圍泊車...如果要去目的地影相就要步行過去...路程都唔太近...沿途有很多飛機係我地頭頂上飛過

算係近距離影下國泰飛機...

每逢有飛機經過既聲音實在太大...我地都會叫阿仔用手蓋住隻耳仔保護聽覺...所以而家阿仔見到飛機或我地問佢飛機圖畫都會有呢個動作

朋友知道我地會帶小朋友來影相...為免悶親佢地..所以特登帶了部2R即影即有既相機仔比佢地玩...有這麼細心既朋友..我地真係非常感謝佢

阿仔拎住個吉盒扮相機影相

阿仔學人影相都有d姿勢架...不過實際就要比爸爸慢慢教導下啦

我地係果度玩下等下...終於等到日落黃昏時候

呢兩張相我都很鍾意哩

我們這一家

除左巴士之外...呢度都很少車輛進入...我地可以係馬路上任意影相

阿仔扭爸爸抱抱...奸計得逞...撒嬌的樣子

我地影到差不多六點鐘就起程出車去吃晚飯了...今次去東涌諾富特 (NOVOTEL) 東薈城酒店大堂 ESSENCE...聽講呢間buffet食物和價錢都適中...所以都吸引幾多人山長水遠入去食...訂位都幾full booking哩...今次朋友幸運地book到位可以嘗試去食下...

雖然今日天色麻麻地有煙霞...爸爸影相既收穫也不多...不過今次既聚會「醉翁之意不在酒」...最主要既目的係想相約朋友們一齊見面談天說地飯聚下...所以有無收穫都唔重要了...希望下次有機會再次相聚啦!!!