2009/09/02
今日我等埋爸爸放工就去左巫醫生做產檢...原本今次陀細b都無特登諗過去排期照4D...不過今日咁岩週數又適合...而且照4D和平時檢查價錢又一樣...我地就緊係唔蝕抵順便照下同錄埋DVD留記念啦 
還記得陀豪豪時照4D...因為個樣被臍帶遮住只能隱約見到一部份咋...但細b今次非常合作...完全無遮無掩比我地一目了然...眼耳口鼻手腳姑姑乜都睇清楚晒...有時睇見佢撐開雙眼望住鏡頭...有時又撐手撐腳...真係好得意...好彩我地有要求錄埋DVD...如果唔係實後悔哩 
醫生話細b身體各部位都ok...不過睇番我每次既體重記錄就叫我加油追下d磅數喎...因為都係屬於偏輕 (體重112.5磅, 肚圍37吋)...但我諗如果照而家每星期約重1磅..等到生時都約有125磅掛...我就覺得差不多啦...太肥好難生耶 
不過講就咁講...我都想細b肥肥白白健健康康出世..所以我都要趁呢最後三個月發力衝刺...食多d仲要訓多d 
睇完醫生..我和爸爸就去左朗豪坊搵飯食...行到一間「近又吉列黑豚專門店」好似幾吸引...一於聽醫生話發力食多d野啦 
爸爸叫左個咖喱吉列黑豚飯...而我就叫左滑蛋吉列雞扒飯...跟住再追加蟹肉忌廉薯餅和送既南瓜天婦羅...最正就係白飯和椰菜絲(加蘋果醋撈好好味)任添住食...爸爸總共追加左兩碗白飯...飽到頂住個肥肚腩走人哩 
事實上我今次陀細b都無戒口戒得咁清...上次陀豪豪真係乜都忍口戒食...生冷野凍飲熱氣野乜都戒...可能第一胎咩都唔識就緊張d...今次就有d破戒...有時美食當前實在難以忍口哩...唯有臨生前食多d野幫細b清下胎毒啦 
沒有留言:
發佈留言