再戰赤柱沙灘

2009/09/05

夏日炎炎最好既消暑活動就緊係去沙灘玩番轉啦...今日我地就約左蠶蠶, 包包, 妹妹families一齊去赤柱正灘暢泳堆沙...朋友仔...Long time no see 哩 ~~ 

由於相約左蠶媽一點半係中環交易廣場等候一齊搭車出發去赤柱...我地待豪豪起床梳洗後就搭巴士出尖沙咀北京道一號飲杯茶食個包先...

然後就搭渡海小輪過海到中環碼頭 (阿仔第一次搭船咋)

我地去到沙灘搵左處樹蔭位比豪少和蠶少跟周公子會面...

阿仔訓醒後就著上全副裝備向海邊進發...

初時阿仔都要爸爸係身邊伴著...

玩玩下已經飛甩爸爸啦...

小朋友們一時落下水..一時又堆下沙 (呢張相算係最齊人既合照囉)

兩仔爺拍拖出海打水...

 

我們仨

玩到差不多四點幾...雖然太陽伯伯仲未下山...但我地見到阿仔開始凍到打冷震就立即幫佢沖熱水涼換衫 (究竟係阿仔寒底定係件潛水衣唔夠保暖哩?? 每次阿仔玩水都玩到面青口唇白...但其他朋友仔就越戰越勇...似乎阿仔要食多d野strong d喔)

當大人們忙於收拾行裝時...想要小朋友乖乖地企定定既最好方法就係食。食。食 (多謝包媽提供的米餅和包妹分享的行為) 

蠶蠶 : yummy...我好想食多一塊喔...

豪豪 : 大家兩兄弟...你一啖我一啖啦...

我地跟妹妹family say goodbye後...就行去赤柱海旁方向進發...小朋友們沿途追追逐逐...玩得很開心哩...

迷人的日落加上美麗的環境襯托下...朋友仔影番張相留念先啦

在爸媽們的相機左閃右閃下...豪豪竟然主動輕搭包包的香肩...

蠶蠶都唔執輸主動拖著包包的手仔...

兩位少爺仔既舉動氹得包包笑得很開心很甜美喔...

麻煩晒包爸幫我們仨影合照

差不多六點...包包family夠鐘要回家了...兩位小朋友依依不捨的道別...

而我地就繼續向著美利樓進發搵食...

是晚精選餐廳 ~ King Ludwig Beerhall

我地叫左個二人set dinner ~ 有咬到牙仔軟的麵包+前菜沙律+至愛的德國咸豬手+龍利魚+天使麵+甜品樹 =   

今日由朝玩到晚玩得很盡興...阿仔食食下又被周公子急call了...