爸爸親自操刀剪髮髮

2009/09/12

今日我地食飽lunch後就同左豪豪去樓下公園玩...只係玩左一陣...阿仔已經成頭大汗...基本上阿仔和爸爸都係超級大汗之人...

返到婆婆屋企打算沖涼之際...爸爸就話阿仔頭髮咁長...天氣又咁熱不如剪短佢啦...

我心諗「你都未試過幫阿仔剪頭髮...你d技術得唔得架?? 阿仔會唔會反抗周圍走架?? 不如留番比婆婆剪啦...」我都未諗完..爸爸已經拎左把剪刀出黎準備幫阿仔操刀了...

之前聽婆婆講過每次幫阿仔剪頭髮...阿仔都好乖乖坐定定架...我當時都唔係咁相信...因為以阿仔坐唔定既性格竟然肯坐定定就範真係有點難以置信...但我今日親眼目睹又確係好乖仔由頭坐到尾比爸爸剪頭髮哩...

左剪剪...後剪剪..

果d碎髮痴住阿仔隻手感覺拮拮唔舒服...

差不多大功告成...

阿仔留下碎髮一堆...

剪完頭髮沖完涼係咪靚仔晒哩...

左邊...右邊...

大家覺得爸爸既傑作值幾多分哩??