到健康院做一歲半評估

2009/09/02

今日豪豪又到期要返健康院做一歲半評估和打針 (白喉、破傷風、無細胞型百日咳及滅活小兒麻痺混合疫苗-加強劑)...同日下午我又約左去巫醫生做產檢...所以可以順理成章唔洗額外請一日大假就可以做晒兩樣事...正

阿仔去到健康院周圍巡視環境...

因H1N1既關係...每位家長都要帶mask才可進入...

阿仔而家大個仔唔洗再除晒衫磅豬仔喇...自己企係個磅度磅重...有10.2kg (22.4磅)..個體重終於超越20磅大關了...不過有點懷疑係咪條尿片有些斤兩...所以就

統計下豪豪出世至一歲半既體重 :

出世日 - 2.96kg (6.5磅) ; 一個月 - 3.93kg (8.6磅) ; 兩個月 - 5.06kg (11.1磅) ;

四個月 - 6.54kg (14.4磅) ; 六個月 - 7.24kg (15.9磅) ; 一歲 - 8.89kg (19.6磅) ;

一歲半 - 10.20kg (22.4磅)

成績尚算合格啦...不過阿仔要繼續努力食多d野吸收多d呀...我唔係想你變肥仔...不過你比較起同期小朋友真係奀左少少o者

輪到入房見姑娘做評估 :

首先姑娘比左五粒積木要阿仔疊高 ---> Pass

第二就比左個公仔和湯匙要阿仔餵佢食野 ---> Pass

第三就問我地阿仔識得講乜野生字 ---> Fail (二歲要再返去健康院做語言評估)

原本今日安排左要打埋支歲半針...但阿仔前日生病睇左醫生要食藥...雖則問過姑娘話支針和吃藥應該唔會有衝突應該無影響 (其實姑娘都係睇我地意願...我地話打咪照打..萬一有咩事佢地都唔洗負責任)...不過為阿仔安全計  我都係決定支針留待下兩星期再返去補打好d哩...

後記 : 阿仔大個仔啦...識得對藥物say no  以前抱住佢食藥好容易...只要有星星餅送藥就搞掂...而家佢識走佬要捉住佢又呃又氹