幼潛@第8堂

2009/08/02

幼潛由第8堂開始批准父母一齊陪伴上堂及影相...爸爸終於可以光明正大影相..唔使每堂企係門口個窿仔度偷影啦...so good

例牌遊戲一 : 點名+唱歡迎歌+搖動和交換沙搥 (係呢part睇到阿仔每堂既進步真係心感安慰哩 )

遊戲二 : 派發一條鐵線穿粗及幼身吸管 (訓練小朋友手眼協調)...係屋企都有比阿仔玩穿大粒珠仔...所以佢都容易掌握到呢個遊戲...不過都係玩左一陣就分心唔穿了...專注力都係唔夠集中哩

遊戲三 : 小朋友用顏色筆係張圖畫紙上點。點。點。

遊戲四 : 兩位姨姨手持木棍兩邊舉高...讓小朋友學習屈膝穿過去 (訓練佢地既腳部肌肉)...初時阿仔都唔肯玩...不過當佢成功穿過第一次後就玩上癮...玩得很開心哩

上完堂後我地就趕去下一站佐敦..因為之前已約定梓晴一家去「澳洲牛奶公司」吃下午茶...大家吃飽後就輪到佢地返幼潛上堂啦

好耐無見梓晴了...兩位小朋友握手問好...下次搵日再出黎玩啦