2009/08/16
今日係豪豪上幼潛最後一堂...亦即係要做考試和評估既時候喇
阿仔入到課室就要考第一關 : 屈膝過木棍 ~ Pass
第二關 : 用鐵線穿吸管 ~ Pass
跟住各小朋友就要做個人評估...未輪到時阿仔就係課室玩各種玩具
偷雞除低mask同阿仔影張合照...爽呀
自創新玩法
舉高雙手擺頭...咪郁
玩左一陣...輪到阿仔坐凳仔做評估 (唔記得叫爸爸影相添 )
首先姨姨派發圖片比阿仔配對形狀 (三角形, 圓形和正方形) ~ Pass
跟住姨姨就叫阿仔自己去玩...而我和爸爸就坐低繼續同姨姨面談 基本上姨姨話阿仔上堂情況無乜特別問題和需要改善既地方...仲反問番我地有咩問題想問佢呢 我當然唔執輸點都問下...大家問完答完就finished啦...成個評估原來就係咁簡單 講真我有些少對姨姨感到失望 無諗過佢對阿仔一點評語都無...其實係姨姨睇唔到定係阿仔真係咁正呢
總結上完呢十堂幼潛課程...我係睇得到阿仔每上一堂都有改善有進步...姨姨安排d練習對佢手腳活動及手眼協調有幫助...亦發覺有d野無教過佢都識做...而佢上堂都上得開心...唔會唔願意上堂或者喊叫之類...所以我自己都算幾滿意...雖然每個星期都要長途跋涉帶阿仔上堂和無晒d玩樂時間...但我都覺得係值得的
小朋友交換禮物時間
姨姨準備了維他奶和餅乾給小朋友享用
姨姨派發畢業證書給阿仔
豪豪 : 我成功畢業喇
郭姨姨和各家長小朋友們一齊合照...後會有期
別了 304室
沒有留言:
發佈留言