2009/08/02
我地與梓晴一家分別後...爸爸就提議不如去九龍站圓方逛街...我又醒起Emmy媽提過果度有個好玩遊樂場...就一於帶豪豪去玩下兼避暑 
大熱天時..由佐敦行去九龍站雖話遠唔遠..但話近又唔近 
我地沿途不停跟阿仔玩。玩。玩。引住佢行。行。行...其實我都幾後悔無做「伸手黨」
我地由地獄入到天堂就見到ThreeSixty門口泊左架車型手推車...咁型仔緊係比豪豪坐下玩下啦 
點知...阿仔玩到唔捨得走 
我地無論用任何野都引唔到佢離開架車仔 (都話男士都愛車架啦)...最後唯有夾硬抱走佢 (阿仔當堂喊到好淒涼哩)
其實我地都唔想咁做...只係哄左好耐阿仔都唔肯走...而路人甲乙丙又企係度等緊架車 
唉。唉。唉。好彩阿仔有時都算易哄...用維他奶+餅餅就安撫到佢...好快就無事周圍走了...
如果呢張相加埋爸爸一齊影就更加 perfect哩 
我和阿仔掉抵爸爸一飛沖天 
由於我地唔清楚遊樂場正確位置係邊...唯有周圍去搵。搵。搵...搞到成身出晒臭汗都未搵到 
差點想放棄之際就比我地發現目的地喇 (原來係籃球場附近咋)...果度真係幾大又多野玩...好彩無放棄到哩 
我地玩左約一個鐘就返入去天堂吃晚飯...係等位期間阿仔又像甩繩馬騮一樣周圍走...我就無力氣追住佢...呢個責任就交比爸爸啦 
可能阿仔玩左成日太開心...而且只係上堂前小睡左片刻...吃飯時原本仲好似金霸王電力十足無時停...但吃吃下突然間漏氣無電...睡著左了
(最衰拍唔到video..當時阿仔真係好搞笑 
)...咁都好既...我地終於可以休息下食餐安樂茶飯囉 
沒有留言:
發佈留言