鬧市中的沙灘

2009/08/08

今日與公公婆婆飲完午茶後...我忽然醒起「玩具反斗城」係時代廣場做開倉大特價...就即興叫左爸爸一齊去八卦  原本心態只係想搵個地方行下hea下...但睇見d玩具又忍唔到手買番件比豪豪玩哩 (其實折實後都唔係平好多)...每次去親呢d開倉場係都要捐下血先安樂  

我地捐完血之後就搵地方吃飯...途經時代廣場門口發現在露天廣場度設置左人造沙灘..又擺放左d沙灘椅、大水泡、棕櫚樹和大傘子比遊客影相...不過豪豪就似乎唔多鍾意  張張相唔係都想逃走就係笑容欠奉...只有呢幾張算係影得ok咋

豪豪登上時代廣場大銀幕呀

最終我地選擇左廣場對面果間「大戶屋」做飯堂...yeah...又係食日本野  

侍應安排我地坐窗口sofa位..岩晒豪豪望街街

呢窩豆乳雜菇泡飯岩晒豪豪口味...佢差不多食晒成窩飯

豪豪而家鍾意拎住個杯飲水水

呢份就係買比豪豪歲半大既生日禮物啦  原本我係睇中左張玩具檯比阿仔...不過爸爸話呢個琴好似適合阿仔年紀玩多d喎...最終衡量過後都係買左個琴...阿仔都幾鍾意玩架   

睇豪豪拎住支咪唱歌唱得幾肉緊

又學人打碟「捉」碟添