2009/08/07
今日去左廣華醫院做第二次產檢...由於爸爸要返工請唔到假陪我....為免自己一個人等到發霉就搵左我個好朋友(豪豪's 契媽)陪我去一趟喇 
今次第一次去助產士小組報到...果度d姑娘真係比大房d姑娘nice好多倍...而且由等候到做檢查 [驗小便~量血壓~磅重(111lb)~會見姑娘] 大約用左一粒鐘就搞掂了...真係快靚正...似乎我無揀錯入組哩 
姑娘仔細幫我聽下細b心跳和量度肚圍...話細b各方面都正常 
但係我份驗血報告裡就驗唔到我有「德國麻疹」抗體...我聽完之後立即O晒咀 
唔係掛...上次生完豪豪後我就去左健康院補打呢支針...點會又無抗體架 
姑娘就話有些人對呢支針係無反應既...叫我生完今胎再睇下點啦...唉...咁講法即係我上次咪白捱一針囉 
檢查完見時間尚早又未夠鐘返工(我請左上午假)就去左好朋友屋企探我個契仔喇...無見三個月契仔又大隻左好多喎 
手仔腳仔又肥嘟嘟...真係好想咬佢一啖 
沒有留言:
發佈留言