「真」「假」電話

2009/03/25

唔知點解每個小朋友都愛玩「真」電話...豪豪係極度非常之愛果種...由最初拎住屋企個電話筒扮聽電話...到而家用手指仔去按電話號碼...仲要咩號碼都唔按..硬係鍾意按「9」字...可能有時只係有咁岩得咁橋...但萬一有日睇唔住..比佢按左3條9咁點算呢...其實除左按電話制之外..全間屋燈制/電器制..所有佢可以按得到既制..佢都鍾意按按按..同佢say no/打手板...咩方法都制止唔到佢果隻「探索之手」...真係令我地非常極之苦惱

見阿仔咁鍾意玩電話..婆婆就買左個「假」電話比佢...點知佢又醒目仔..知道係「假」唔太鍾意玩...係都鍾意走去玩個「真」...不過呢幾日又開始肯玩番個「假」電話..仲係屋企度走來走去扮講電話引我地注意呢