手拖手。行街街

2009/03/29

每逢星期六日..就算當日沒有特別節目..我和爸爸都會帶豪豪出街逛一逛..有時會到公園玩耍..有時會去附近商場行街..盡量都少留係屋企..一來阿仔而家學識行路..開始對周圍事物感到好奇..如果成日留係屋企只會阻礙佢發展空間..而出街就可以比機會佢周圍睇下摸索下..二來我地放假都想出去relax下..我覺得有時唔需要花一分一亳..只要一家人手拖手去街街就已經最開心呢!!!



其實我好鍾意一家人手拖手呢種感覺..覺得好溫馨好幸福..我和爸爸都知道他朝有日..呢個場面會逐漸減少出現..因為當阿仔長大後就會fing開我地雙手..自己去探索新天地..雖然阿仔而家學識行路..但幸好都仲肯比我地拖住手和抱抱..所以我地都覺得要珍惜現在..只要阿仔想要拖手或要抱抱..我地盡量都唔會托手踭呢!!!