2009/03/14
坊間有太多不同種類既playgroup..未試過上堂又點知適唔適合阿仔呢...於是今日就約埋細細個一齊去中環Gymboree試堂..多得adrian媽既推薦信..今次試堂費係free..又幫我個荷包慳番d錢錢喔
豪豪第一次上playgroup..初頭未熱身就痴實我...
但轉頭見到d波波就飛身行去玩囉
首先導師用公仔同小朋友唱歌仔熱下身..跟住向我地家長講解和示範各式各樣既 Gym game後..大家就開始自由活動喇...
爬滑梯係阿仔強項..平時係公園都爬慣爬熟...
阿仔玩平衡木都行得唔錯 (當然要我扶住啦)
阿仔對個水泡無咩興趣...唯有影張相算數啦...
阿仔係跑步機度擺post影相
玩左咁多樣野...阿仔最愛都係玩波波
阿仔 : 媽咪..出面d風景好靚丫...有居高臨下既感覺...
這是危險動作..小朋友切勿模仿
輪到玩集體game時間喇...
第一個game : 放阿仔落一個扁左既大波波度...由爸爸出力係咁拉..拉..拉 (其他小朋友就玩到笑哈哈...阿仔就玩到喊爆 )
第二個game : 一條長身大圓柱體要幾位小朋友一齊合力推..推...推 (阿仔第一次玩唔肯推..又係喊爆 好彩玩第二次時都肯玩下推下)
第三個game : bubble time...阿仔玩得最開心最投入就係呢個game
阿仔咁專心眼定定望緊咩呢??
原來等緊導師向佢吹 small bubble
阿仔開心玩到咀..
最後各位家長舉高彩虹傘揮舞就結束今次既game...
活動尾聲..導師要每位小朋友都將玩具放入個箱度say bye...不過阿仔就點都唔肯...仲帶住個波波走佬添
總結黎講...我對呢間Gymboree感覺都ok...環境光猛地方整潔...而且周圍都有地墊..包保阿仔唔會跌傷...導師都幾nice..又talk english...感覺到阿仔都玩得幾happy..但我有樣野唔like就係 gym time無導師從旁指導協助 (可能係試堂既關係) 不過要講呢度最最最大缺點就係地點太遠唔方便我地..大人細路要每星期都過海咪話唔辛苦...所以都係再試多幾間playgroup比較下先決定吧!!!
沒有留言:
發佈留言